Tomás Aragüés Bernad  jauna (1935-2022) izan zen Donostiako Talde Barrokoaren sortzailea eta lehen zuzendaria 1974. urtean. Aurreko urtean Donostiako Musika Kontserbatorioko Solfeoko eta Musikaren Teoriako Katedradun izendatua izan zen, eta bere aisialdian musika maite zuen lagun talde bat zuzentzen hasi zen. Fernando Saldaña, Carlos Fiel, Ángel Pérez eta Juan Torregaray ziren kideak. Handik gutxira, Rosario Urreta, bere alaba Mª Elena Martínez de Murguía eta Ana eta Jesús Muñoz-Baroja anai-arrebak batu zitzaizkien. Tomas Aragüés erabat murgildu zen (agian bere kideengan ikusten zuen alaitasunagatik), eta partitura txikiak harmonizatzen hasi zitzaien, erraz jo zitzaten. Bere lan onari esker, taldeak eman zuen lehen kontzertuan zuzentzea lortu zuen. Zuzendari lanaz gain, taldean ere laguntzen zuen organoa jotzen bertan egon zen denboran (1974-1979).

Garai hartan, Jose Mari Zubeldia (cello) arduratu zen formazioa ofizialki inskribatzeaz, Donostiako Talde Barrokoa izenarekin.

Lehen kideen jakinmin musikalak instrumentu berriak ikastera eraman zituen. Carlos Fidelek zeharkako flauta ikasi zuen; Ángel Pérezek, kontrabaxua; eta Juan Torregarayk, biola, Josefa Iribas (Pepita) piano, biolin eta biola irakasleari esker.

Laster batu zitzaizkien taldean Rafael López (biolina), Luis Udaquiola (biolina, Donostiako Kontserbatorioko ganbera irakaslea), bere anaia Jose Mª Udaquiola (zeharkako flauta eta tenorra), Pedro Ochoa, Mª Pilar Ochoa de Eribe, Lourdes Iglesias (biolontxeloa).

1976an Ana Mª Sebastián (biolina), Mª Ángeles Etxebeste (biolina) eta Enrique Fanlo (biolontxeloa) ere batu ziren, guztiak Donostiako Kontserbatorioko irakasleak. Bere lehen kontzertuetatik Juan Manuel Gómez de Edetak    ere parte hartu zuen, garai hartan Donostiako Kontserbatorioko Tronpa Katedraduna, bakarlari bezala haize metaleko beste instrumentista batzuekin batera.

1980-1983 bitartean, Ana Mª Sebastiánek, taldeko kontzertinoa zenak, Talde Barrokoaren zuzendaritza hartu zuen, Tomas Aragüések bere postua utzi baitzuen kontserbatorioko orkestra berria zuzentzeko. 1981ean, taldeak Eusko Jaurlaritzak Euskal Herriko hainbat herritan musika klasikoa sustatzeko antolatutako "Herriz Herri" programan parte hartu zuen, hamar kontzertu eskainiz. Jaso zuten dirulaguntzarekin, Sevillako lutheria batean klabezina erosi zuten.

Gero beste zuzendari batzuk etorri ziren. Loreto Fernández Imaz (1983-1989), Jose Antonio Sainz Alfaro (1989-1992), Jose Antonio Pascual Puy (1992-1996), Gotzon Arrizabalaga (1996-2007) eta, egungo zuzendaria, Sergio Zapirain (2008).